યારો…ગુસ્તાખી માફ…

માર્ચ 24, 2013 પર 6:26 એ એમ (am) | Posted in ભરત દેસાઇ ' સ્પંદન ', મને ગમતા ગીતો, મારા ગીતો.., મારા અવાજમા ગમતા ગીતો | 3 ટિપ્પણીઓ
ટૅગ્સ:

મિત્રો.. આમ તો…  આખે આખી આ પોસ્ટને  મારા ફેશબુકના  હોમપેજ  મૂકી ચૂક્યો છું. પણ  તે છંતા મારા બ્લોગ પર મૂકવાની લાલચ ને અટકાવી ના શક્યો…  કારણ..

મારો કવિ મિત્ર.. નીરવ વ્યાસની ગઝલનો એક શેર છે..

શું     થાય    આદત     છે  ને ?

માણસ આખર માણસ છે ને ?

તો ..ય  પાછો  આવુ   છું     હું

શબ્દો   સાથે   ચાહત  છે  ને  ?

(તા.ક. કદાચ મૂળ ગઝલ ના શબ્દો મારી યાદશક્તિને  આધારે જુદા  હોઇ શકે .. તો તે બદલ ક્ષમાયાચના )

અને     …  આ રહી  મારી ફેશબુક મૂકેલી  પોસ્ટ..

શક્ય હોય … તો.. તમારો પ્રતિભાવ  આપજો..જ

                                              મિત્રો.. શિકાગોનો Winter આમ તો અમેરિકામા કુખ્યાત છે. Snow પડ્યા પછી ધરતી જ્યારે દૂધમલ બનીને એક અલગ રૂપ ધારણ કરે… મૂળ હું માટી નો માણસ… ધરતીના દરેક સ્વરૂપને માનવુ ગમે .. માદક નશીલુ વાતાવરણ .. નજરનો નશો.. રવિવારની રજા … અને હા .. મારા માટે.. કહેવાની જરૂર છે…??????????? …… હું પણ બસ… થોડો નશા  મા હતો…

KISHOREDA1

Advertisements

કવિદંપતી ડો.અશરફ ડબાવાલા અને ડો.મધુમતી મહેતા

જાન્યુઆરી 12, 2013 પર 11:46 પી એમ(pm) | Posted in ભરત દેસાઇ ' સ્પંદન ', મને ગમતા કવિઓ અને સાહિત્યકારો, મને ગમતી ગઝલો.. | 2 ટિપ્પણીઓ
ટૅગ્સ: , , , , , , ,

      મિત્રો,  ઘણા લાંબા સમય પછી  ફરી આજે બ્લોગ પર કામ કરવા બેઠો છું. વાત જાણે એમ છે કે શિકાગો સ્થિત  કવિદંપતી ડો.અશરફ ડબાવાલા  અને ડો.મધુમતી મહેતા  અનુક્રમે  તેમના  બીજા અને  પહેલા કાવ્યસંગ્રહનુ  લોકાર્પણ આવનારા દિવસોમા મુંબઇ અને ગુજરાતના ઘણા બધા શહેરોમા  કરવાના છે. શિકાગોમા તો મારી  હાજરી  અચુક હોય જ … પણ ખેર..શિકાગો અને મારા અંગત સંબધના  નાતે પણ આ  વાતની ખુશીને  તમારી  સાથે  share  કરવાની લાલચને રોકી નથી શકતો..  આપ   આ પૈકીના  કોઇ પણ નજીકના શહેરમા હોવતો  આવસર ચુકવા જેવો નથી..  આ  કવિદંપતી અહી  શિકાગોમા ઘણા વખતથી શિકાગો આર્ટ સર્કલ નામની સંસ્થાના પરામર્શક રહ્યાછે.   શિકાગો આર્ટ સર્કલના સભ્ય  તરીકે  અને  મારી પાસેના   અંગત   collection   માથી  થોડી વિડીયો ક્લીપ અંહી અત્રે પ્રસ્તૃત છે .. બસ બાકીતો આપ  ગીત ગઝલ અને કવિતા ના ચાહકો અને ભાવકો  હિન્દુસ્તાનમા શક્યતા અને અનુકૂળતાના આધારે ક્યાંક ને ક્યાંક આ જલસામા શરીક થવાના છો એનો  આંનદ છે … કાર્યક્રમની  સફળતા માટેની શુભેચ્છા સાથે  મારી ગઝલનો શેર યાદ આવે છે …

દુર દિલથી ક્યાં કદી ‘સ્પંદન’ તમારાથી ગયો છે

હાજરી  મારી તમોને   લાગશે  મારા વગર  પણ

                                                                ભરત દેસાઇ.. ‘સ્પંદન’

Ad_Ashraf_Dabawala_cc

(અશરફભાઇ  એમની લાક્ષણિક અદામા )

   

(મધુબેન  કાવ્યપઠનની હળવી પળોમા) 

Invi_Card_-_Ashraf_Dabawala_&_Madhumati_Mehta-6_Page_1

Invi_Card_-_Ashraf_Dabawala_&_Madhumati_Mehta-6_Page_3

Invi_Card_-_Ashraf_Dabawala_&_Madhumati_Mehta-6_Page_4

Invi_Card_-_Ashraf_Dabawala_&_Madhumati_Mehta-6_Page_2

‘સ્પંદન’ ના સ્પંદનો

જુલાઇ 16, 2012 પર 1:58 એ એમ (am) | Posted in ભરત દેસાઇ ' સ્પંદન ', મને ગમતા કવિઓ અને સાહિત્યકારો, મારા કાવ્યો ને રચનાઓ | 3 ટિપ્પણીઓ
ટૅગ્સ: , , , ,

     મિત્રો,  થોડા વખત પહેલા  ડો. ગુણવંત શાહ  સાહેબનું   લખેલું  ‘બત્રીસે કોઠે દીવા’  નામનુ પુસ્તક વાંચતો હતો.  ગુજરાતી સાહિત્ય લેખનના સીમાળા વટાવી  ચુકેલી ગુણવંતભાઇની  કલમનો જાદુ આપ વાંચક મિત્રો  જાણો છો જ. એકવાર  ગુણવંતભાઇના  લખેલા લેખ,  વાર્તા, આર્ટિકલ, પુસ્તક કે પછી ગમે તે પ્રકારની સાહિત્ય સામગ્રીને  જો તમારી માનસિક તંદુરસ્તી (એટલે  કે રોજિંદી ઘરગૃહસ્તી અને વ્યસાયિક  પળોજણ થી જરા હટકે..)  હોય અને એ સમયમા  ચિંતન પૂર્વક  જે   તે   લેખનો પહેલો કે  લેખના મધ્યમા લખેલો એકાદ paragraph પણ વાંચી નાખો તો બસ … તમારે એ લેખ કે વાંચન સામગ્રીને  વાંચે જ  છુટકો..મિત્રો ..  આ વાત અત્રે  એટલા માટે લખુ  છું કારણકે  મારી આ ગઝલની પ્રથમ પંક્તિ  “એક  નકલી અસ્તિત્વ  અમથું  પોષાયા કરે છે ”  એ  આ ‘બત્રીસે કોઠે  દીવા’   નામના પુસ્તકના જે   તે   લેખના અનુસંધાનમા  લખાયેલી  અક્ષરસહ બેઠી જ પંક્તિ છે.. અને મિત્રો આ પંક્તિ દિલને કંઇક એમ  અડી ગઇ ..   અને  બસ પછી તો મારુ કવિકર્મ  જીદે ચઢ્યુ.. અને  આ ગઝલ લખાઇ ગઇ.. મારી અત્યાર સુધીની સર્જન સફરમા પહેલીજ વાર કંઇક ઠોસ લખવાનો   કે લખાઇ ગયાનો સંતોષ થયો. આ મારું અંગત મંતવ્ય છે. બાકીતો આપ વાંચક મિત્રો જ   ગણત્રીના  કલાકોમા વાતનો અરીસો અને પૂરાવો બની રહેશો.. મુ.ગુણવંતભાઇનું  આ Pic.ગુગલ પરથી લીધેલું છે. મારા અંગત રીતે તેમની સાથેના કોઇપણ જાતના સબંધ કે સંપર્ક  નથી તેથી આપ વાંચકોમા જો કોઇનો સંપર્ક ગુણવંતભાઇ સાથે હોય તો મારી નમ્ર અપીલ અને વિનંતી છે  કે મારી આ Post ની લીંક એમના સુધી પહોચાડશો. અને એમા જરા જેટલું પણ વાંધાજનક લાગેતો  મને તાત્કા. જણાવજો અને એ બાબતે હું અગોતરા માફી પણ માગી  લઉં છું.

ગઝલ

એક  નકલી અસ્તિત્વ  અમથું  પોષાયા કરે છે

ગર્વ  ને  અહંમ  સામસામે  અથડાયા કરે   છે

કાંકરી પ્રલયનો સહારો લઇ પર્વત બની ગઇ

ને   હવે  બસ    ઉંચાઇના   ગીતો ગાયા કરે છે

પૂછતા નર પંડિત થયા ના બોલ્યામા નવે નવ

માનવી સમજ્યો એ દિવસથી અટવાયા  કરે છે

જન્મની  જોડે વસ્તુ મૂકી છે..!  ‘મારાપણા’  ની

તમ’તમારે  દોડ્યા  કરો..! કુદરત  જોયા કરે  છે

મેં ગઝલ વાંચી..! ને તમે દિલ દઇ ને દાદ આપી

સાચું   કહુ   મિત્રો …!!!! ઉંઘ મા પડઘાયા કરે છે

 (કથાબીજ : ડો.ગુણવંત શાહ  ના લખેલા પુસ્તક ‘બત્રીસે કોઠે દીવા’  માંથી )

ગઝલ….

જુલાઇ 7, 2012 પર 2:27 એ એમ (am) | Posted in ભરત દેસાઇ ' સ્પંદન ', મારા કાવ્યો ને રચનાઓ, મારા વિચારો | 6 ટિપ્પણીઓ
ટૅગ્સ: , , , ,

અબ મૈં રાશનકી  કતારોમે  નઝર  આતા  હું

અપને  ખેતોંસે  બિછડને  કી સજા   પાતા હું

ગઝલ સમ્રાટ જગજીત  સાહેબે  ગાયેલી  ગઝલના   શાયર  જનાબ  ખલીલ ધનતેજવીની  આ ગઝલના  વિચારોની  લગભગ નજીક કહી શકાય… એવા  જ  મતલબનો  મારી  આ  ગઝલનો મત્લા… લખાયો છે …    વતનથી દૂર  રહેવાની  પીડા…. ડાયસ્પોરા સાહિત્ય…અને   ગ્લોબલાઝેશનની આધુનિકતાના  વાગા પહેરીને  ઝગમગાટ  થતા આ જમાનામા પણ  મારા વિચારોની  મર્યાદા કહો કે   રૂઢિચુસ્તતા… પણ  ક્યાંકને ક્યાંક  એ વાત  વખતોવખત  ડોકાયા  કરે છે….  ગીત..ગઝલ..  કવિતા..  લેખન આથવા તો એમ કહી શકાય કે સર્જનાત્મક  દરેક વસ્તુના મૂળમા    સર્જકના  દિમાગમા  ઉદભવતો   પહેલો વિચાર   કાં તો  ઇશ્વરદત્ત હોય  કાં તો પછી   દેખાદેખીનો પણ હોઇ શકે… મિત્રો  આટલી કેફિયત  આપવાનો  મતલબ   એટલોજ    કે  કોપી પેસ્ટના  જમાનામા  હું  પણ વિચારોને  પેસ્ટ કરું  છું  એવો લગીરે વિચાર ના કરતા…   બાકી ગઝલ તમારી સામે છે … શબ્દો  કક્કો બારાખડીની  બહારના ના હોઇ શકે ..   અરે.. હા  ખલીલ  સાહેબ માટે  મારે  કાંઇજ કહેવાનું નથી …  મારા બ્લોગની પ્રસ્તાવના   જ વાંચી લેજો..  આ બધી તો  મારી વાત થઇ..   તમે ગઝલની  મજા  કરોને  યાર….  

 pic. 20 feb.2012 ના રોજ ખલીલ સાહેબના ઘરના   ડ્રોઇંગરૂમમા..  યાકુતપુરા..     વડોદરા 

ગઝલ

શહેરની  ભીડમા   હું  ભળી   ગયો

પણ વતનથી  વિખૂટો  પડી ગયો

વિદુરવાણી   હવે  જર્જરીત   થઇ

હુજુરિયો  આસમાને  ચઢી  ગયો

ચાંદ  ઝાંખો પડ્યો  એ.. જ  કારણે

એમનો  સે.હ્જ  પાલવ  સરી ગયો

દ્રષ્ટિનો ને નજરનો  સુમેળ   જો..!

તું મને..!  ને તને ..હું..! જડી ગયો

વિરહની  વેદના  ક્યાં..ક !સળવળી

દર્દ ‘સ્પંદન’ ગઝલમાં  લખી ગયો

ગઝલ….

માર્ચ 13, 2012 પર 1:58 એ એમ (am) | Posted in ભરત દેસાઇ ' સ્પંદન ', મારી ગઝલો.. | 3 ટિપ્પણીઓ
ટૅગ્સ: , , ,

મિત્રો,  કોઇપણ જાતની ભૂમિકા વગર ટૂંકી બહેરની  નવી લખાયેલી

 મારી  એક ગઝલ  આપની સાથે Share  કરું …

ગઝલ 

જે   ગમે…   તે  કરવા દો

ભૈ…. જીવો   ને  જી’વા દો

ક્યાં સુધી બોલ્યા કરશો ?

કંઇ   મને  તો !   કે’વા  દો

શક્યતા   પ્રબળ    નો’તી

તો પછી… એ   રે’વા  દો

સ્વર્ગની    વાતો      કરશું

ખુદ  મને   જઇ  આવા દો

બહુ  મજાનો   છે  ‘સ્પંદન’

આયનામા      જોવા    દો

एहसान मेरे दिल पे तुम्हारा है दोस्तो…..

માર્ચ 11, 2012 પર 10:16 પી એમ(pm) | Posted in ભરત દેસાઇ ' સ્પંદન ', મને ગમતા કવિઓ અને સાહિત્યકારો, મારા વિચારો | 2 ટિપ્પણીઓ
ટૅગ્સ: , , , , , ,

    મિત્રો,  ઘણા લાંબા સમય પછી બ્લોગ પર  કામ કરવા માટે બેઠો છું. દસ દિવસના ખૂબ ઓછા સમય માટે હિન્દુસ્તાની સરઝમી અને એ માટીની સોડમને શ્વાસોમા ભરવાનો ફરીથી મોકો મળ્યો. ‘મોકો મળ્યો’  એવા શબ્દ પ્રયોગનો મતલબ  એટલો જ છે  મિત્રો  કે…  ગ્રહોની  અસરો અને આધ્યાત્મિક વાતોના આધારે  એમ કહેવાય છે કે…” જે ભૂમિ જ્યાં, જ્યારે, ગમે તેવા સંજોગોમા પણ  માણસને  જે  તે  જગ્યાએ પોકારે ત્યારે તે માણસને  ત્યાં પોંહચવું  જ પડે  છે.” એવો એક માની લેવામા  આવેલો સર્વસામાન્ય  કુદરતી કાયદો ભારતીય સંસ્કૃતિની સોડમા સદીઓથી માનભેર પોષાતો આવ્યો છે. પણ એનાથી બિલકુલ વિપરીત વાત એવી પણ છે કે .. જે ભૂમિ પર તમારા જે  તે સમય પૂરતા  અંજળપાણી પૂરા થૈ ગયા હોય તો પછી એ ભૂમિ તમારી લાખ ઇચ્છા હોવા છંતા તમને ટકવા નથી દેતી. આવાગમનની આ પ્રક્રિયાને  દુન્યવી નામ તમે ગમે તે  આપી શકો. (પરદેશગમન,  સ્વદેશગમન,  બહારગામ ગયો,  ઘેર આવ્યો  વગેરે વગેરે.) હું પણ  ગણીને  દસ દિવસ પછી વડોદરામા રહેવાની તીવ્ર ઇચ્છા હોવા છંતા   ફરી પાછો  શિકાગો  આવી ગયો.. અથવા તો..એમ પણ  કહી શકાય… આવી જવું પડ્યુ….  પેલી ઉપરની વાતના આધારે..

     ખેર !  મિત્રો  વતન(વડોદરા)ની ટૂંકી મુલાકાતમા પણ બરોડિયન કવિમિત્રોને   મળ્યા વગર હું મારી જાતને કેમ રોકી શકું.જેમના થકી કવિતા  ગઝલની બારાખડી શીખ્યો છું.  ટૂંકી નોટિસ અને  વીકડેઝના કામકાજના અતિ વ્યસ્ત  સમયમા     આપ    બધા કવિમિત્રો ની હાજરી… સાચુ કહું  મિત્રો..    આ આખી વાતના વર્ણન અને આભાર  માટે મારી પાસેના  શબ્દોના ભંડોળમા   કાંઇજ નથી ફક્ત એટલું જ  કહીશ..

एहसान मेरे दिल पे तुम्हारा है दोस्तो

ये दिल तुम्हारे प्यार का मारा है दोस्तो

 આભાર  દોસ્તો…

ડાબી બાજુથી કવિ  દિનેશ ડોંગરે ‘નાદાન’  ,  નીરવ વ્યાસ , (યોગેશ સોની: મારો બાળગઠિયો ) કવિ અહેમદ હુસેન ‘અહેમદ’  , મકરંદ મુસળે ,   અશોક જાની ‘આનંદ’ ,  સુરેશ પરમાર ‘સૂર’  અને  સુભાષ પંચોલી ‘અક્ષર’

 કવિ મનહર ગોહિલ ‘સુમન’ , દિયા નાયકવાડે ,  ભરત ભટ્ટ ‘પવન’ ,  ગુલામ અબ્બાસ  ‘નાશાદ’ , પ્રતાપસિંહ ડાભી ‘હાકલ’ અને   આ નાનકડી  બેઠકના યજમાન  કે જેમના ઘરના  ડ્રોઇંગરૂમમા   અમે બધા કવિઓ શોભી રહ્યા છે એ જાણીતા પત્રકાર  જીતુભાઇ  પંડ્યા.

ખૂબ ખૂબ  આભાર … જીતુભાઇ.

શું કામ ….????????

ઓક્ટોબર 23, 2011 પર 6:49 એ એમ (am) | Posted in ભરત દેસાઇ ' સ્પંદન ', મને ગમતા કવિઓ અને સાહિત્યકારો, મારી ગઝલો.. | 4 ટિપ્પણીઓ
ટૅગ્સ: , , , , ,

      મિત્રો,   થોડા વખત પહેલા ડૉ. રાજેશ વ્યાસ ‘મિસ્કિન’ શિકાગો આવેલા ત્યારે રાજેશભાઇને  જરા  વધારે નજીકથી  જાણવાની જીજ્ઞાસા સાથે એક સવારે કોફીના પીવાના બહાને હું અને મારો મિત્ર નિલેશ એમના મુકામે પહોંચી ગયા હતા.  ગઝલ- સાહિત્ય બાબતે વાતો  કરતા બે અઢી કલાકની ચર્ચાના અંતે મને અંગત રીતે  મિસ્કિન સાહેબ એક ગઝલકાર ની સાથે સાથે એક ઉંડા તત્વચિંતક વધારે લાગ્યા.આધ્યાત્મિક પ્રભાવનો પડછયો એમની ગઝલોમા અને વાતોમા સાફ નીતરતો હતો. ગઝલ બાબતે  વાતો પર ભાર મૂકતા કહ્યુ કે “ગઝલએ કેવળ શબ્દોના સમૂહ કે પછી  છંદ-મીટર  અને રદિફ કાફિયાના સ્ટ્ર્ક્ચરથી સંપૂર્ણ નથી પણ આ તમામ વાતો ની સાથે જીવનના મર્મની કોઇ ગહન વાતો  ગઝલમા આવે ત્યારે ગઝલનુ તત્વ અને સત્વ સાર્થક થાય અને તો જ  શબ્દોની ખૂબસૂરતી માણવાની ગમે બાકી તો એ જ ક્ક્કો અને બારાખડી છે.. આધુનિક ગઝલના નામે  કંઇ પણ લખાય છે, તંત્રી અને મંત્રીની રહેનુમા છપાય પણ  છે. અને  બાકી રહ્યુ તે  નેટનું માધ્યમ હાથવગુ છે.સૌ ને માટે ઘરની ખેતી જેવું  છે …જે વાવ્યુ અને જે પાક્યુ તે …પોતાનો  બ્લોગ હોય  એનો મતલબ એ નથી કે કાંઇપણ જાતના સાહિત્યિક ચિંતન વગર સામગ્રી  પ્રકાશિત કરવી..! ” મિત્રો રાજેશભાઇની પ્રભાવશાળી વાતો સાંભળતા દંગ રહી ગયો .. અને  કદાચ નૈનિકતાનો મહંદઅંશે  સ્વીકાર મારે પણ કરવો પડે.. રાજેશભાઇથી છૂટા પડ્યા પછી એક વિચાર  મનમા  સળવળ્યો …તમને ચોક્કસ એ વિચાર  જાણવાની ઇંતેજારી થશે  જ  અને.. મારે પણ  તમને તરત એ વાત કહી દેવાની  ” શું કામ…… ???????  ”   

    

ગઝલ……

આપણી વાતો ગઝલમાં કે’વાની..! શું કામ..?

જાતને  પોતે  ઉઘાડી  કરવાની..!  શું કામ..?

આડકતરો  છે  ઇશારો    એનો  મારી  પર  જ..!

કોઇ  મોઘમ  વાત  માથે  લેવાની..! શું કામ..?

લાગણીઓના   વિષય   કે   વ્યાખ્યા  ના  હોય..!

દિલ્લગી   મારે  તને   સમજા’વાની..! શું કામ..?

પરવળે    જો   આબરૂને   તો…  કર  ફાવે  તેમ

આ  ‘ઇચ્છાઓ’  ને દબાવી દેવાની..! શું કામ..?

હેસિયત  નૈ   પણ અપેક્ષા લોકોની..? ભૈ વાહ..!

આપણે ‘સ્પંદન’ સલામો ભરવાની..! શું કામ..?



અબ ભી મૈં જવાન હું….

ઓક્ટોબર 5, 2011 પર 1:40 એ એમ (am) | Posted in ભરત દેસાઇ ' સ્પંદન ', મને ગમતા કવિઓ અને સાહિત્યકારો, મારા વિચારો | 1 ટીકા
ટૅગ્સ: , , ,

     મિત્રો, ગુજરાતી  સંસ્કૃતિની પરંપરા અને ગુજરાતી ગરબો આજે  બંને એકબીજાના પૂરક બની ગયા છે.. નવરાત્રીના નવ દિવસ અદ્યાશક્તિ  જગતજનની  મા  જગંદબાની આરાધનાની સાથે સાથે ગુજરાતીઓ  ગરબામા એકરસ થઇ જાય  એ સ્વાભાવિક છે …   કલાનગરી વડોદરાના ગરબાની ગુજરાતમા એક અલગ  એળખ રહી છે એમ મારું અંગત મંતવ્ય નહી પણ લોકચર્ચા  ને   આધારે કહી શકાય એમ છે.  વડોદરા  એ મારી કર્મભૂમિ હોવાને નાતે  મને પણ નાનપણથી  ગરબા રમવા.. ગરબા ગ્રુપમા ગરબા ગાવા ગવડાવા એ મારો  શોખ  રહ્યો છે. વડોદરાના ગરબા ગાયકો  રવિન નાયક,  અતુલ પુરોહિત, અચલ મહેતા,  નિલેશ પરમાર, કર્ણિક શાહ, મેઘા ભોંસલે… આ તમામ  ગાયકોમા  અતુલભાઇ પુરોહિત  મારા All time  Favorite    રહ્યા છે. અતુલભાઇ ના  ગરબા માટે  ગરબાના ખેલૈયા યુવક યુવતીઓ તો આશિક હોય  પણ  આમ  ગુજરાતી  જે ને ગરબાના સંગીત, તાલ અને  એની રવાનગીને કલાકો સુધી સાંભળવી ગમતી હોય  એવા લોકસાહિત્ય અને  કલા ના રસીક પ્રોઢ ગુજરાતીઓ પણ  અતુલભાઇના  અવાજના જાદુથી  પૂરેપૂરા વાકેફ છે ..  કેવળ  અતુલભાઇને   Live  સાંભળવા માટે ખૂબ જ મોટા પ્રમાણમા કહી શકાય એવી ભીડમા પણ આ કલા રસીકો  કલાકો અગાઉથી ગરબાના મેદાન પર  પોતાના સ્થાન મેળવવા આતુર હોય છે.અતુલભાઇ ગરબા ગાયકની સાથે સાથે એક કર્મકાંડી બ્રાહ્મણ  છે  અને જ્યારે  એ ગરબા ગાય છે ત્યારે… જાણે પૂરા દિલ થી  એ ગરબામા જાન રેડે છે એમ લાગે છે.. આ વાતની  અનુભૂતિ તો તમે જાતે જ કરશો  જ્યારે  પ્રસ્તૃત વીડિયો તમારી  આંખે જોશો. નવરાત્રિ આવતા પહેલા  લગભગ મહિના પહેલાં  અતુલભાઇની ગરબાની ઓડિયો સાંભળવી એ મારી વરસો જુની આદત રહી છે.. બસ આમ જ Youtube  લટાર મારી રહ્યો હતો  અને ત્યારે  સદર વીડિયો ક્લીપમા એક ખાસ વાત નજર પડી… આટલા મોટા ટોળામા પણ હું  ‘મને’  ઓળખી ગયો..  વાતની સાબિતી કરવા માટે મારી પત્નીને પૂછ્યુ..  ત્યારે મને શ્રીમતિજીએ હસતા હસતા કહ્યુ કે ” ભરત.. માથાની ચમકતી ટાલ પરથી એમ ચોક્ક્સ લાગે છે કે  તું  જ છે.. ”  પછી તો  જરા  વધારે ધ્યાનથી જોતા ખબર પડી મારી પાછળ મારો મિત્ર અને એની પત્ની પણ ગરબામા  હતા. એટલે વાતની ખાત્રી થઇ.   મિત્રો..  પણ આ વીડિયો જોઇને  લાગ્યુ  કે અતુલભાઇ આવાજની ખૂબસૂરતીની સાથે સાથે “અબ ભી  મૈં જવાન હું” વીડિયો કદાચ ૨૦૦૬ ની નવરાત્રિની અથવા એ પહેલાની છે એ વાત ચોક્કસ છે .. કારણ ૨૦૦૭ના મે મહિનાથી હું  દરિયાપાર તડીપાર છું..  વીડિયો ક્લીપ Youtube  પરથી લીધી છે .. Pl. don’t  discard this video. Being  a  GUJARATI…  You will really Enjoy…

વીડિયો ક્લીપમા હું અને મારો મિત્ર અંકિત પટેલ

After 2.03 min. to 2.10min. in between

લેખ પ્રકાશન : દુર્ગાઅષ્ટમી, નવરાત્રી ૨૦૧૧

શિકાગોના સમય મુજબ  રાત્રે ૯.૦૦ કલાકે..

ત્યારે એની ખબર પડે છે…

ઓગસ્ટ 29, 2011 પર 3:22 એ એમ (am) | Posted in ભરત દેસાઇ ' સ્પંદન ', મારી ગઝલો.. | 8 ટિપ્પણીઓ
ટૅગ્સ: , ,

     મિત્રો, ગઝલ  વાંચો એ પહેલા   એની પૂર્વભૂમિકા  જાણશો  તો  કદાચ એની Impact  વધારે આવશે ..  ડોલર કમાઇ લેવાની મેરેથોન દોડના ટોળામા  હું  પણ હતો.. જાતનો વાણિયો.. વેપારતો જાણે  અમારો જન્મસિધ્ધ હક્ક..  અમેરિકામા કોઇ ધંધાકીય મોટા સાહસ કરું  એવી  મારી પાસે  ના તો  એવી મૂડી…  ના બુધ્ધિ…  ના તો  હિંમત…તો પછી  બાકી શું  રહ્યુ… મૂળ  આપણો હિન્દુસ્તાની કટલરી સ્ટોર કે  ગલીનુક્કડનો સુધરેલો પાનનો ગલ્લો.. જે અંહી અમેરિકાની ભાષામા Convenient Store   કહેવાય.. એવું નાનકડું સાહસ  લઇ બેઠો.. …. અમેરિકામા કદાચ રોજબરોજનું  હોઇ શકે પણ  મારા જીવનની  એ મોટી  ઘટના …  સાંજનો   ખાસી અવરજવર હોય એવો  સમય હતો…  બે આફ્રિકન Store  મા  Customer તરીકે આવ્યા..   ક્રિકેટના મેદાન પર મેચ  શરુ થતા પહેલા અંપાયર  પીચનુ નિરીક્ષણ  કરે  લગભગ  એ જ  ખૂબી થી બંન્ને શ્ખ્સીયત  ફરીને આખા Storeની   મુલાકાત લઇ લીધી  અને પછી મારી  પાસે Counter સામે આવીને  ઊભા ત્યારે મે અમેરિકન ધંધાકીય   રિવાજ પ્રમાણે  પૂછ્યું ..” You guys need any help..? ” Counter ને લગભગ અડીને  Storeનો  મુખ્ય દરવાજો  હતો .   બસ….    આંખના પલકારામાં એકજણે  Store નો દરવાજો બંધ કર્યો અને બીજાએ એના પેંટના ખિસ્સામાંથી રિવૉલ્વર  કાઢી  મારા કમરના ભાગે રિવૉલ્વર   અડાવીને  રજિસ્ટર ખોલવા માટે કહ્યું…  એણે મને રજિસ્ટર ખોલવાનું કહ્યુ  હતું .. પણ મે   ગલ્લામા હતા એ બધાજ ડોલર  એક પણ ક્ષણના  વિલંબ વગર  એના હાથમાં મૂકી દીધા અને તદઉપરાંત  ગલ્લો (રજિસ્ટર)  બતાવીને કહ્યું  ” Now  I don’t have any more… ” જલ્લાદના મનમા  રામ વસ્યો હશે કે શું ખબર નથી … પણ .. કશી દલીલો વગર એને મને  ટી-શર્ટના  કોલરથી  પકડી  Store ની અંદરના ભાગમા  આવેલી    Pantryમા  … કોઇપણ્ જાતના શારીરિક નુકશાન વગર પૂરી દીધો.. અઢી મિનિટના  આ નાટકીય ખેલમા .. જાન બચી લાખો પાયે.. મિત્રો. જાણકારો.. અને સગાસંબધીઓ ને ક્રમસહ સમયાંતરે જાણ થતી ગઇ.. સરેરાશ બધાનો એકજ  મત કે એમા આટલો હોબાળો મચાવાની જરુર નથી .. આ બધુ અહીં રોજનું છે…  મારો બધાને એક જ જવાબ હતો.. ” જાતને અનુભવ થાય ને! ત્યારે એની ખબર પડે છે …”  મિત્રો.. આજ વાત નવી ગઝલનો  મત્લા થૈ ગયો… બાકી પછીતો કવિકર્મ આવે છે … (ઘટના  Oct. 18.2010 ના દિવસે બની ..આ  ગઝલ  Aug.2011 મા લખાઇ છે ..  વાતો જુની છે પણ!  યાદ તો આવે ને !

ગઝલ

જાતને   અનુભવ   થાય   ને !    ત્યારે  એની  ખબર  પડે  છે

ઘાત   માથેથી    જાય ને !    ત્યારે   એની   ખબર   પડે    છે

બેઉ    ના      સરખા   રંગ    ને     બંન્ને   સરખી     બિરાદરીના

કાગ  –  કોયલ       ટહુકાય ને !   ત્યારે   એની   ખબ ર પડે છે

હોય   બધુ     રાબેતા    મુજબ    એની     તો  ભૈ   મજા  મજા છે

કંઇક     અજુગતું     થઇ   જાય ને !    ત્યારે   એની ખબર પડે છે

તાજ.. ને .. આ.. મુમતાઝ ને ‘લૈલા-મજનું’ ખબર બ..ધી પણ

પ્રેમમાં     દિલ     તરડાય    ને !     ત્યારે     એની   ખબર પડે છે

ખરખરો     કરવા     કોઇ     મૈયતમાં   આપ્યો    રડી     દિલાસો

મોત…ઘરમાં     પડઘાય ને !     ત્યારે    એની   ખબર   પડે છે

ગાલગાગા,   શબ્દો,    વિચારો ,..’સ્પંદન’    પૂરતું   નથી…. પણ

તું    ગઝલમાં      ઠલવાય    ને !   ત્યારે    એની    ખબર   પડે છે

કોઇ થ્રીલ માટે વાત ઉપજાવેલી નથી વાત  સંપૂર્ણ સત્ય છે હા!   Pic. વાતને અનુરુપ ગૂગલ માંથી લીધુ છે 

હું ને મારી ગઝલો..

ઓગસ્ટ 1, 2011 પર 5:41 એ એમ (am) | Posted in ભરત દેસાઇ ' સ્પંદન ', મારી ગઝલો.. | 4 ટિપ્પણીઓ
ટૅગ્સ: , , , , ,

           મિત્રો,  વાત  અને  વિડીયો  એકાદ વરસ જુની છે.. યાદો ને  દિલમા અને પ્રસંગોને  કેમેરામા  સાચવવાની  મારી   આદત વરસો જુની છે. અને એમાનું  કંઇક…  ક્યારેક   જીવનનું  સંભારણું બની જાય છે …  ગઝલકાર ડૉ. અશરફ ડબાવાલાની  કાવ્ય પ્રવૃતિને બિરદાવવા  શિકાગો આર્ટ સર્કલના  કાર્યકરો દ્વારા  તેમના સન્માનમા  આયોજીત   મુશાયરામાં  હું પણ  મંચનો  નાનકડો  હિસ્સો હતો. ગુજરાતી  સાહિત્યના મુશાયરાના મોટા ગઝલકારો, ગીતકારો અને કવિઓ  શ્રી. ચિનુ મોદી,  શ્રી. અનિલ જોષી,  શ્રી. વિનોદ જોષી,  શ્રી. કૃષ્ણ દવે,  ડૉ.શ્યામલ મુન્શી,  સૌમિલ મુન્શી,  આરતી મુન્શી.  નોર્થ અમેરિકન લિટરરી ઍકેડેમીના  પ્રમુખ  શ્રી. રામભાઇ ગઢવી, સાહિત્ય વિવેચક શ્રી.મધુસૂદન કાપડિયા,  જાણીતા વાર્તાકાર શ્રી મધુરાય, લેખિકા   સૂચિબેન  વ્યાસ,  ચંદ્રકાંત શાહ અને  હા.. ડૉ. ડબાવાલાનું  સન્માન હોય અને  જાણીતા કવિયત્રી અને એમના  પત્ની  ડૉ. મધુમતી  મહેતા ના હોય એવુ બને…?  મિત્રો,  આ તમામ  દિગ્ગજ   સાહિત્યકારોની  હાજરીમા  કાવ્યપઠન  કરવાનો અવસર મળ્યો..    આ વાતને સંભારણું  કહેવાય  કે  નહીં ..?  તમે શું કહો છો….?

(1)

બોલુ  ના  ને  મૌન રહું ! તો વાંધો  શું છે ?

તો  ય  તમને  પ્રેમ  કરું ! તો વાંધો શું છે ?

બામુલાજા,  બાઅદબ !  ભૈ વટ  પડતો’તો

સ્વપ્નમા  સુલતાન બનું ! તો વાંધો શું છે ?

કોઇ    સાંજે     મેઘધનુષી    મદહોશીમા

મયકદામા  જામ    ભરું ! તો  વાંધો શું છે ?

ક્યાં  મળે  છે  રોજ  આવા અવસર   યારો

હું  તમારી   જેમ   હસુ !  તો  વાંધો શું છે ?

શબ્દને   શણગારવા  ની   ધુનમા ‘સ્પંદન’

જો ગઝલ  બે ચાર લખું ! તો વાંધો શું છે ?

(2)

હાજરી    હોય   અંહી  જો   તમારી    ફરક તો પડે

હોય    સંગત    સનમ  ની  ગુલાબી ફરક તો પડે

લાગણી,  ભાવના,  યાદ   સુધ્ધા   શમી જાય પણ

બસ  રહી    જાય   કોઇ    નિશાની    ફરક   તો પડે

લો   તમારી   બધી   વાત  માની ગયા પણ…તમે

વાત    ક્યારેક     માનો    અમારી     ફરક    તો પડે

જિંદગી   છે!    બધી     જાતના   ખેલ    કરવા    પડે

તું    બની     જાય     સારો    મદારી   ફરક   તો પડે

એ ગઝલ,   ગીત,   કવિતા   કશું પણ   હશે ચાલશે

શબ્દની     જો     અસર   થાય   ધારી ફરક તો પડે

આપવા   છે   ખુલાસા    વિગતવાર     મારે     તને

જાણકારી     તને    હોય    સાચી      ફરક    તો   પડે

ભરસભામા      ગઝલની     રજૂઆત   જો    તું     કરે

દાદ   ‘સ્પંદન’     મળે    જો   બધાની   ફરક   તો   પડે

Create a free website or blog at WordPress.com.
Entries and comments feeds.

%d bloggers like this: